|
L-Ekumenizmu Tfisira u ghan II.
Ghalfejn l-ekumenizmu
Id-dokument imsemmi jqassam il-komunitajiet Insara f’zewg oqsma
ewlenin. Hemm dawk li jissejhu knejjes, u dawn huma l-Knisja
Kattolika Rumana u l-Knejjes Ortodossi li t-tnejn skond
it-Tradizzjoni twaqqfu mill-Appostli. Hemm imbaghad dawk li jissejhu
komunitajiet ekklezjali, u dawn huma l-Anglikani u
l-komunitajiet Protestanti.
L-ghaqda bejn l-Insara gejja mir-rieda ta’ Kristu li, qabel ma ta
hajtu ghalina fuq is-salib, talab lill-Missier biex dawk kollha li
jemmnu fih ikunu lkoll haga wahda. “Kif inti fija, Missier, u jiena
fik, ha jkunu lkoll haga wahda fina, biex hekk id-dinja temmen li
inti bghattni.” Dan ifisser li l-ekumenizmu mhuwiex ghan fih
innifsu, izda huwa mezz biex il-Knisja taghti xhieda tal-missjoni
feddejja ta’ Kristu fid-dinja. L-imsemmi dokument konciljari
jghidilna li din il-missjoni Gesù wrieha meta waqqaf Knisja wahda (UR,
1); meta tana l-Ewkaristija bhala s-Sagrament tal-Ghaqda (UR,
2), meta tana l-Ispirtu s-Santu li huwa l-ghajn tal-ghaqda (UR,
2), u meta tana l-ministeru ta’ l-Appostli maghqudin flimkien
b’Pietru bhala l-ewlieni fost l-Appostli (UR, 2).
Huwa
minnu li l-firdiet fost l-Insara huma skandlu quddiem id-dinja u
jmorru kontra r-rieda ta’ l-istess Kristu. Min-naha l-ohra nistghu
nsejhulha wkoll felix culpa (htija hienja). Dan ghaliex hija
ghenet fl-izvilupp ta’ tradizzjonijiet Insara differenti kif ukoll
tat-teologija nfisha. Hareg ukoll fil-berah l-ghana spiritwali
tad-diversi komunitajiet Insara, l-aktar f’dak li ghandu x’jaqsam
mal-liturgija u ma’ l-ispiritwalità. Ma’ dan ta’ min izid ukoll
il-fatt li bdiet aktar tinhass il-htiega ta’ konverzjoni lejn Alla
(ara UR, 7).
It-taghlim tal-Knisja Kattolika dwar
l-Ekumenizmu
Il-hsieb
tal-Knisja Kattolika dwar l-ekumenizmu jista’ jingharaf mill-istess
digriet tal-Koncilju. F’dan id-dokument il-Knisja tghallimna li,
biex tikber l-ghaqda fost l-Insara jehtieg jithaddmu certi
principji. Dawn huma:
a. irid isir tigdid
fil-Knisja Kattolika (UR, 6);
b. trid issehh
il-konverzjoni tal-qlub;
c. irid jithaddem
djalogu fi spirtu ta’ rieda tajba biex ikun hemm gharfien ta’ xulxin
bhala ahwa (UR, 9);
d. trid tinghata
formazzjoni ekumenika lill-Insara, l-aktar lis-sacerdoti (UR,
10) kif ukoll studju flimkien tal-veritajiet divini (UR, 11)
u tal-Kotba Mqaddsa (UR, 21);
e. irid
isir talb u jkunu ccelebrati servizzi liturgici bejn l-Insara
mifrudin (UR, 8). Ezempju ta’ dan hija l-Gimgha ta’ Talb
ghall-Ghaqda bejn l-Insara li ta’ kull sena niccelebrawha bejn it-18
u l-25 ta’ Jannar (il-festa tal-konverzjoni ta’ San Pawl);
f. trid issir hidma
socjali flimkien (UR, 12).
P. Joseph Ellul OP |
