Gesù xandar il-Bxara t-Tajba tas-Saltna, u fejjaq kull xorta ta’ mard fil-poplu.

                             Il-Ministri
                      tac-Celebrazzjoni

    Il-Koncilju Vatikan II, fidil ghat-tradizzjoni tal-Knisja, jghdilna li l-Isqof ghandu jitqies bhala l-Qassis il-kbir tal-merhla tieghu. Ghaldaqstant jehtieg li kulhadd jaghti l-akbar importanza lill-hajja liturgika tad-djocesi madwar l-Isqof, l-aktar fil-knisja kattidrali billi l-akbar dehra tal-Knisja tinsab fis-sehem shih u haj tal-gemgha mqaddsa ta’ Alla fl-istess celebrazzjonijiet liturgici, l-aktar fl-istess Ewkaristija, madwar altar wiehed fejn jippresjedi l-Isqof imdawwar bis-sacerdoti u l-ministri tieghu (Sacrosanctum Concilium 41).

     Imma billi l-isqof fil-Knisja tieghu ma jkunx jista’ jmexxi hu nnifsu dejjem u kullimkien, jehtieg li jwaqqaf gemghat ta’ fidili fosthom fl-ewwel post il-parrocci, organizzati lokalment taht raghaj li jkun minflok l-isqof (Sacrosanctum Concilium 42).

     Bi tradizzjoni li gejja minn zmien l-Appostli, tradizzjoni li kellha l-bidu sa mill-jum stess tal-Qawmien ta’ Kristu, il-Knisja ticcelebra kull tmint ijiem il-misteru tal-Ghid fil-jum li jissejjah Jum il-Mulej jew Jum il-Hadd (Sacrosanctum Concilium 106).

     Ta’ kull nhar ta’ Hadd ghalhekk, ninghaqdu ma’ hafna ahwa fil-fidi biex niffurmaw flimkien il-gemgha mqaddsa. L-Appostlu Missierna San Pawl, jipprezenta l-gemgha ta’ l-Insara bhal gisem haj li fih kull membru ghandu xi haga x’joffri (ara 1 Kor 12:12-20).

     Dak li jmexxi l-gemgha, l-isqof, il-kappillan, kull sacerdot, huwa bhar-ras tal-gisem li l-membri tieghu huma l-Insara migbura. Is-sacerdot li jmexxi l-assemblea liturgika huwa sinjal ta’ Kristu, il-qaddej ta’ Alla u s-sacerdot wahdieni tieghu. Il-poplu huwa sinjal iehor tal-Gisem ta’ Kristu li hu l-Knisja migbura fic-celebrazzjoni tal-misteri qaddisa.

     Is-sacerdot jiccelebra ghall-gemgha u flimkien maghha. Huwa m’huwiex fuq l-assemblea imma parti minnha ghaliex dak li jmexxi hu l-Mulej Gesù. Fit-tmexxija tal-gemgha, is-sacerdot jerga’ jaghmel prezenti lil Kristu fit-thabbira ta’ l-Evangelju u fit-talba (epiclesis) li jaghmel lill-Ispirtu s-Santu biex jinzel fuq l-offerti u fuq l-ahwa migbura flimkien.

     Biex ic-celebrazzjoni ssir sewwa u kif jixraq, minbarra s-sacerdot ikun hemm bzonn ta’ ministri ohra. Dawn huma:
     id-djaknu li jxandar l-Evangelju;
     il-letturi u l-akkoliti ghas-servizz tal-qari u ta’ l-altar;
     il-ministri straordinarji tat-tqarbin biex jekk ikun hemm bzonn iqassmu l-Ewkaristija fil-Quddiesa u fid-djar tal-morda;
     l-animaturi tal-kant.

     Ma’ dawn il-ministeri, kull komunità tista’ zzid ministri ohra skond il-htiega, bhal dawk li jilqghu u jmexxu lin-nies fil-knisja.

P. Anton Farrugia OF

Kalendarju - Katekezi - Jum il-Mulej 

Jekk tixtieq tghaddi xi kumment jew twassal
l-opinjoni tieghek

Iktbilna hawn