Inkunu dejjem fil-hin

Kull laqgha li ssir bejn hbieb, namrati jew membri ta’ familja, tibda b’appuntament. L-ewwel jinghata ppuntament imbaghad issir il-laqgha. Ghal min ihobb l-appuntament hu importanti fil-grajja tal-istorja tieghu, u l-puntwalità hi fundamentali, l-aktar nett fil-bidu tar-rapport biex fuqu tinbena l-kunfidenza u l-fiducja. Hadd qatt ma jonqos ghall-ewwel appuntament, u zgur li hadd qatt ma jasal tard. Dan izda ma jfissirx li f’dawk li jigu wara wiehed jista’ jittraskura l-puntwalità! Imbaghad ikun hemm l-imhabba li jsahhahha. Nahseb li qed tghidu: dan x’ghandu x’jaqsam mal-Quddiesa? Nahseb u nittama li f’dil-mixja ta’ formazzjoni li qed naghmlu flimkien wasalna biex nifhmu li l-Quddiesa hija laqgha intima mal-Mulej. Ma nistenniex li dan ghandna nghixuh u nhossuh minnufih, izda ghall-anqas ejjew indahhluh fil-mod kif inqisu l-jum tal-Hadd. U hawn sa naghmel mistoqsija ohra: kemm inzommuh dan l-appuntament?

B’xorti hazina qed ninnotaw li tista’ tghid f’kull knisja xi nies jidhlu wara ghaxar minuti, wara ghoxrin u sahansitra f’xi kazijiet wara tletin minuta li tkun harget il-Quddiesa. U hawn ma ghandix f’mohhi lil dawk, libir-rieda tajba kollha, xi darba jaslu tard minhabba xi incident li jkun inqalghalhom jew minhabba xi raguni li ma jkollhomx kontroll fuqha, izda f’mohhi ghandi ’l min jasal tard ghall-Quddies dejjem, qisu bi drawwa, ghax jahseb li l-aqwa tmur u tkun prezenti f’xi hin, jew ghax aktar jaghzel li filghodu jtawwal ir-raqda b’ghaxar minuti milli jasal il-knisja hames minuti qabel tohrog il-Quddiesa, jew ghax jaghzel li joqghod ipejjep sigarett barra, jew ghax ma ghandux hila joqghod hames minuti jitlob fis-skiet qabel il-Quddiesa, jew... ghal mitt raguni ohra. Minhabba f’dat-tkewtil hafna nies mhumiex jaslu fil-hin ghall-appuntament ma’ Alla. L-aktar haga li ssewwed il-qalb hi li hafna minn dawn, fit-tqarbin tarahom iqumu biex jircievu l-Mulej fl-Ewkaristija. U jiena nistaqsi: x’sehem hadu dawn fic-celebrazzjoni? X’messagg mill-Kotba Mqaddsa wasal ghandhom illum? X’esperjenza ta’ Alla ghamlu f’dan il-Hadd? X’sa jbiddel Kristu llum f’qalbhom? Dawn il-mistoqsijiet ma nafx inwegibhom, izda nittama b’qalbi kollha li l-grazzja ta’ Alla hanin u sieber, tahdem xorta wahda fi qlubhom, issahhanhomlhom u timlihomlhom bil-hena tal-fidi li hi nieqsa fihom.

Il-Mulej elfejn sena ilu tana appuntament: aghmlu dan f’tifkira tieghi. U minn dakinhar hu dejjem kien puntwali ghal-laqgha tieghu maghna. Hu jibqa’ dejjem izomm kelmtu u l-weghdiet tieghu... ejjew inwegbuh billi ahna wkoll inkunu puntwali ghal-laqgha taghna mieghu!

Dalia Kandalaft OCV