B'lehen wiehed

Nahseb li hafna minna marru xi darba jew ohra ghal xi kuncert jew semghu kor ikanta. Hafna drabi meta mmorru nohorgu sodisfatti, izda xi drabi nintebhu li fil-kor kien hemm xi haga li dejqitna anki jekk ma nkunux nifhmu wisq fil-muzika u nkunu semmiegha biss. Izda x’inhu dak li jgieghel kor jaghik gost xhin tisimghu u dak li jdejqek fih?

Jien fil-muzika ma nifhimx, imma ghamilt bosta snin fil-kor tal-iskola. U niftakar lid-direttrici tal-kor tghidilna fl-ewwel prova li trid tisma’ lehen wiehed mhux tlieta u hamsin, u li kull wahda minna trid tisma’ mhux lehinha imma lehen dik ta’ magenbha. Mela nahseb li kor jahdem tajjeb mhux ghax il-membri tieghu jkollhom lehen sabih, imma ghax dawn l-ilhna sbieh isehhilhom ikantaw bl-armonija maghqudin flimkien. Mhux kulhadd hu kapaci jkanta f’kor. Huwa don partikulari li fih il-membru individwali jissodisfa u jirrealizza ruhu mhux billi jkanta wahdu imma billi jkanta flimkien ma’ ohrajn.

Dil-haga gaghlitni nahseb. Hafna drabi ahna niffurmaw kor li min jisimghu ma tantx jiehu gost. Ma nafux nghidu talba wahda flimkien bhala komunità. Kull wiehed iwiegeb kif irid u meta jrid, b’ritmu kajman jew mghaggel skont min ikun, filwaqt li jinsa li madwaru hemm komunità shiha qieghda titlob mieghu. Niftakru li c-celebrazzjoni ewkaristika hija celebrazzjoni komunitarja mhux individwali; mhijiex talba personali, u la nkunu f’komunità jehtieg li nirrispettaw il-komunità. Jehtieg li nhossu li ahna tabilhaqq membri ta’ din il-komunità biex inwiegbu bhala membri taghha. M’ahniex individwi li qeghin jitolbu flimkien, imma komunità li titlob f’ghaqda ma’ Kristu.

Smajt sahansitra lil min iwiegeb lis-sacerdot qabel ma dan itemm it-talba tieghu. Il-mohh li jigri qabel il-qalb. Ma naghtix hin lill-kelma biex tidhol f’qalbna, biex integhmuha qabel ma nwiegbu, anki jekk ittwegiba nafuha bl-amment u hi dejjem l-istess, izda kull darba ghandha toghma differenti u taghmel effett differenti. Dan jiddependi mill-qaghda li nkunu fiha, jiddependi mill-problemi li jkollna, jiddependi minn hafna hwejjeg ohra li jaghmlu minna nies, persuni, mhux robots jew pappagalli.

Intom forsi tghidu: Alla ma joqghodx ifittex dawn l-irqaqat, hu jara l-intenzjoni tal-qalb u mhux jekk l-ilhna humiex f’armonija jew le. Dan hu minnu sa certu punt. Alla halaq id-dinja mill-kaos. Huwa qieghed l-ordni fl-univers. U zgur li jhobb l-armonija, bizzejjed inharsu lejn in-natura. Izda dan li qed nghidu mhuwiex biss biex noghgbu lil Alla u biex talbna jitla’ ghandu b’lehen wiehed; dan hu ghalina wkoll, biex inhossuna maghqudin f’komunità, biex il-Quddiesa ma ssirx haga ta’ rutina u tibda ddejjaqna, biex lehnek li jghajjat jghin lil lehni li hu dghajjef, lehnek ferhan jghin lil lehni mnikket, u lehnek zaghzugh jghin lil lehni xih. B’hekk nghinu lil xulxin.

Intennilkom ir-regola li ghallmitna d-direttrici tal-kor: isma’ l-lehen ta’ min jinsab hdejk. U nzidilkom ohra: isimghu wkoll lehinkom biex tkunu tafu x’intom tghidu u l-Quddiesa tkun esperjenza dejjem gdida mhux dejjem l-istess. 

Dalia Kandalaft OCV