Gesti u caqliq maghmulin sewwa

L-ahhar darba tkellimna fuq l-importanza tas-sehem taghna fic-celebrazzjoni Ewkaristika b’gisimna, li jidher fil-gesti u c-caqliq jew tahrik fil-liturgija, u ta’ min wiehed jiftakar li dawn il-gesti huma daqshekk sbieh u gheziez ghaliex huma l-gesti ta’ Kristu, u ahna kull darba li naghmlu xi gest, naghmluh bi qbil mieghu. Nixtieq inkellimkom fuq zewg aspetti importanti tal-gesti liturgici: iridu jkunu gesti maghmulin tajjeb u gesti maghmulin flimkien. Illum sa nitkellmu fuq l-ewwel aspett.

Il-gest jew caqliq indikat fil-liturgija jkun sabih sakemm ikun maghmul tajjeb; jigifieri maghmul b’mod shih u komplut. Nghidu ahna, ir-radd tas-salib huwa espressjoni tal-fidi taghna, u bih niftakru fiz-zewg misteri ewlenin: bil-kliem infissru l-ghaqda fit-Trinità ta’ Alla; u bis-sinjal tas-salib niftakru fl-Inkarnazzjoni, il-Passjoni, il-Mewt u l-Qawmien ta’ Kristu. Ghalhekk meta rroddu s-salib, irrodduh tajjeb, bil-mod u idna l-leminija ncaqalquha sewwa; ghax is-salib ihaddanna kollna kemm ahna, ruh u gisem, jikkonsagrana u jqaddisna. U ghalhekk ma jezistix nofs radd tas-salib, jew tahrika tal-id qisna qed inkeccu ddubbien, ma tafx jekk hux ghamla ta’ salib jew ta’ xi haga tonda; izda ghandu jkun sinjal li jibda mill-gbin ghal fuq iz-zaqq ghal fuq l-ispallejn. Ghandu jkun sinjal car u sabih. Ma ghandniex nibzghu jew nisthu rrodduh u rrodduh sew, ghax kull darba li rrodduh il-Mulej jaghtina hafna grazzji.

 Gest iehor li jsir ukoll b’mod zbaljat hu dak meta ninzlu gharkopptejna. Dan isir billi mmissu l-art jew b’irkoppa wahda jew bi tnejn. Hu gest li jfisser rispett, umiltà, qima u ndiema. “Imbaghad tbieghed minnhom daqs tefgha ta’ gebla, u nxtehet gharkopptejh jitlob u jghid: ‘Missier, jekk inti trid, warrab minni dan il-kalci!” (Lq 22:41). Kemm hi haga sabiha, gheziez huti, jekk kull darba li ninzlu gharkopptejna, naghmlu hekk flimkien ma’ Gesù fil-Getsemani. U ghalhekk dil-haga ggeghelna naghmlu dan il-gest bl-imhabba u kif ghandu jsir. Izda kemm naraw nies li jgiblek hniena l-mod kif joqoghdu gharkopptejhom, ikunu qishom qeghdin izappu jew sa jaqghu, u ma jidhirx li hu sinjal ta’ rispett u qima lil Alla. Meta persuna, minhabba sahhitha, ma tkunx tista’ tinzel gharkopptejha, bizzejjed tbaxxi kemm kemm rasha, bil-mod u kif jixraq.

Il-Knisja, mal-mixja taz-zmien, dejjem hadet hsieb ittejjeb il-liturgija, hija u tistudja l-waqtiet differenti taghha u tabbina certi gesti, caqliq u pozizzjonijiet tal-gisem biex jidher ahjar il-misteru, filwaqt li rrikmandat lill-poplu u lis-sacerdot li jaghmlu dawn il-gesti huma u jiccelebraw l-Ewkaristija. Ghalhekk jekk il-Knisja tissuggerixxi li waqt il-qari tal-Vangelu nqumu bilwieqfa, li hu sinjal ta’ rispett u ta’ prontezza, ahna ghandna niehdu das-suggeriment tal-Knisja biex nghixu ahjar dak il-waqt; u jekk fil-konsagrazzjoni tghidilna ninzlu gharkopptejna, li hu sinjal ta’ qima, ma ghandniex nibqghu bilqieghda ghax hekk inkunu aktar komdi. Dan jiswa ghall-gesti kollha li naghmlu fil-Quddiesa. Ghax kollox ghandu t-tifsira tieghu, ghal kollox hemm raguni, u kollox ghandu s-sbuhija tieghu. Dak kollu li naghmlu u nghidu hu okkazjoni gdida biex niltaqghu mal-Mulej.

Dalia Kandalaft OCV