Illum il-Hadd

      Nibdew minn xhin nistenbhu filghodu u nafu li llum il-Hadd. Dan hu l-jum li fih il-Mulej Gesù Kristu gheleb il-mewt bil-qawmien tieghu mill-imwiet. Huwa jum li t-tokk tieghu hu c-celebrazzjoni tas-sagrificcju ta’ Gesù fuq is-salib. Izda l-isbah haga hi li din ic-celebrazzjoni ma ssirx biss fil-knisja tar-rahal ckejken taghna, imma ssir madwar id-dinja kollha kull fejn hemm l-Insara. Hija ssir b’ilsna diversi, f’waqtiet diversi, b’kant u drawwiet diversi. Hu importanti hafna li nahsbu u nirriflettu fuq kif il-Quddiesa ckejkna taghna tal-Hadd taghmel sehem minn dinja kbira bla tarf. Tkun haga sabiha ma jinghalqux fid-dinja ckejkna taghna, u nhossuna parti mid-dinja, parti minn dan il-kobor universali tal-Knisja. Imbaghad kollox jiehu tifsira tajba u differenti.

     Dan hu ghalina bhas-seba’ jum li fih Alla, wara li halaq id-dinja u l-bniedem, strah. Izda huwa wkoll l-ewwel wiehed tal-gimgha – bidu gdid mal-Mulej irxuxtat.  Huwa l-jum li fih inserrhu gisimna wara gimgha xoghol, izda huwa l-jum iddedikat l-aktar lill-mistrieh tar-ruh, li fih l-ispirtu jistrieh biss fil-qalb ta’ Alla. Jekk ahna nfittxu li nistriehu fizikament, inhossu l-htiega li nistriehu wkoll spiritwalment? Jista’ jkun li din il-htiega ma naghrfuhiex ghax ma nhossux is-sintomi taghha. Meta l-gisem jeghja, is-sintomi nhossuhom: ugigh fid-dahar, ugigh ta’ ras, muskoli ibsin, saqajn minfuhin, u l-bqija. Izda meta teghja r-ruh kif inhossuna? Imdejqin, ghazzenin, mghaddbin, horox, ghajjurin, ibsin fi qlubna, ma nahfrux, ma nitbissmux, ma nhobbux, ma nghinux, ma jkollniex hila naghtu u ninghataw, u l-bqija. Kemm-il darba hassejniehom dawn il-hwejjeg u bosta ohrajn bhalhom u ma nkunx nafu ghaliex? Ruhna tkun ghajjiena u tkun tehtieg il-mistrieh. Tkun tehtieg ’l Alla. Izda dan il-mistrieh ma niksbuhx billi biss immorru l-knisja u nisimghu l-Quddiesa u mbaghad nibqghu ghaddejjin qisu ma gara xejn! Hemm tahrig tal-mohh u tal-gisem li jhejjina ghal-laqgha ma’ Alla. Hija laqgha vera, reali, li fiha Gesù jigi kull darba biex jiltaqa’ maghna ghax huwa Alla li jzomm kelmtu.

     Mela x’inhu l-ewwel hsieb li jigina f’mohhna nhar ta’ Hadd? Irridu mmorru l-Quddies! Imbaghad inkunu nistghu naghmlu li rridu: immorru nieklu barra, immorru passiggata, fis-sajf immorru nghumu, immorru ghand il-hbieb, jew semplicement noqoghdu d-dar naraw it-televizjoni u nilaghbu mat-tfal... u hwejjeg bhal dawn. Il-Quddiesa tidher – u hekk hi tabilhaqq – attività wahda fost il-hafna li rridu naghmlu f’jum il-mistrieh, fil-jum iddedikat biss ghal Alla u ghat-talb, fil-jum li fih il-gisem u r-ruh jistiriehu. Anzi hija attività li narawha bhala obbligu, u mhux bhala pjacir bhalma naraw l-attivitajiet l-ohra. Immorru l-Quddies, ghax jekk ma mmorrux naghmlu dnub, jew ghax b’hekk inkunu hlisna mid-dmir taghna lejn Alla, u ghalhekk Alla ma jikkastiganiex b’xi dizgrazzja jew marda. Izda nahsbu tabilhaqq li jekk immorru l-knisja, hemm niltaqghu ma’ Alla? Dan hu Alla li halaqna! Huwa Sid is-smewwiet u l-art! Huwa l-Mulej li b’kelma wahda jew biss bi hsieb ghandu s-setgha jbiddlilna l-ezistenza taghna!

     Mela ejjew nibdew jum il-Hadd bi hsieb wiehed: dak li mmorru niltaqghu mal-Mulej. Hija xewqa li tinbet f’qalbna u f’mohhna u mhijiex biss xewqa li tigi mis-sens ta’ dmir li nhossu fina. Ghalhekk ejjew nibdew inhossu l-pjacir li nistghu nqattghu siegha shiha mieghu biss, u jista’ jkun li wara ftit dis-siegha ssir tnejn jew tlieta jew jum shih jew hajjitna kollha. Il-gimgha fiha 168 siegha, ikun wisq jekk minn dawn nahtru siegha wahda ghal Alla wahdu?

Dalia Kandalaft OCV