Bil-ghajnejn tal-fidi

Jghid San Gwann fl-Ewwel Ittra tieghu: “Madankollu nafu li meta jidher hu, ahna nkunu bhalu, ghax narawh kif inhu” (1 Gw 3: 2b). Dan joqghod tajjeb ghas-suggett tal-lum. Fil-mixja taghna issa wasalna fl-aqwa punt u l-aktar wiehed mistenni tac-Celebrazzjoni Ewkaristika: il-konsagrazzjoni tal-hobz u l-inbid. Huwa l-aktar waqt qaddis li fih il-qassis, bil-hidma tal-Ispirtu s-Santu, u bil-ministeru tal-Knisja, u mhux bis-setgha tieghu personali, ibiddel il-hobz u l-inbid fil-Gisem u d-Demm ta’ Kristu.

Ghaliex mela ahna ma nistghux nghixu dan il-waqt kif ghandu jinghax: bil-qima u d-devozzjoni xierqa? X’inhu jzommna milli nemmnu sa l-ahhar u ngibu ruhna u nghixu skont dat-twemmin shih?

San Gwann kien l-Appostlu l-mahbub ta’ Gesù. Hu ghex mieghu, kiel mieghu, rah b’ghajnejh stess, semghu b’widnejh stess, messu b’idejh stess, b’danakollu qed jghidilna, fi kliem iehor, li ahna l-bnedmin, midinbin, dghajfin u b’fidi ckejkna, qatt ma ahna sa nkunu kapaci naraw ’l Alla kif inhu jekk hu nnifsu ma jaghtiniex li narawh wara mewtna; meta l-imsejken gisem ma jibqaghlu ebda setgha fuq ruhna, u ahna nsiru bhal Alla. U ghalhekk jekk ahna ma ghandniex hila naraw fil-hobz u l-inbid, il-Gisem u d-Demm ta’ Kristu, dan ifisser li ma ahniex kapaci mmorru lilhinn minn dak li jaraw ghajnejna u jmissu jdejna.

Meta d-dixxipli ta’ Ghemmaws talbuh jibqa’ maghhom, Gesù wiegeb talbithom b’rigal wisq aktar kbir: permezz tal-Ewkaristija ried jibqa’ dejjem maghhom. Bl-Ewkaristija Gesù zamm kelmtu mad-dixxipli, qabel ma tela’ s-sema: “U ara, jiena maghkom dejjem, sal-ahhar taz-zmien” (Mt 28: 20b). Hu jibaqa’ dejjem fidil anki jekk ahna ma ahniex, hu jibqa’ maghna permezz ta’ hwejjeg materjali bhalma huma l-hobz u l-inbid anki jekk ahna ma narawhx jew forsi wkoll ma nemmnux.

Alla jinsab prezenti bil-qawwa kollha tieghu, bl-imhabba kollha tieghu ghall-bnedmin, jinsab prezenti taht l-ispeci tal-hobz u l-inbid. Imma gisimna u mohhna huma zghar wisq biex jghinuna nhossu u ngawdu dan il-waqt daqshekk qaddis. Hu bhal dak li qatta’ hajtu kollha minghalih li qed jara, imma mbaghad b’daqqa wahda jilbes nuccali u jibda jara d-dettalji kollha b’carezza kbira. Fl-ahhar jibda jara l-gmiel veru, ir-realtà vera.

Ghalhekk, gheziez huti, biss bil-ghajnejn tal-fidi jsehhilna naraw, intieghmu u nhossu l-prezenza ta’ Alla meta l-qassis jghid il-kelmiet tal-konsagrazzjoni, u f’dik l-ostja bajda jibda jidher il-wicc hanin ta’ Alla.

Dalia Kandalaft OCV