"L-imhabba li Kristu r-Raghaj it-tajjeb isawwab fil-qlub tal-qaddejja tieghu twassal lil dawn is-sacerdoti biex jaqdu lill-ohrajn fil-hidma appostolika, tkun xi tkun." Hekk fisser il-hegga pastorali mqanqla mill-imhabba tal-qalb sacerdotali, il-Papa Gwanni Pawlu II, fit-tahdita li ghamel lill-Isqfijiet Francizi fl-1997. Huwa kien qed juri kemm hu mehtieg li s-sacerdoti ta’ zmienna jgeddu din il-hegga pastorali b’mod awtentiku. Din il-hegga pastorali u appostolika ma tfissirx li s-sacerdot irid jimtela b’hafna impenji u attività pastorali hekk li jidhol f’cirku ta’ attivizmu ta’ xi hadd li ma ghandux kwiet f’gismu! Din il-hegga mqanqla mill-imhabba, li ahna nsejhulha caritas pastoralis tohrog mill-ghana tal-hajja spiritwali tal-presbiteru b’tali mod li taghni din il-hajja u tkun hi wkoll ghajn ta’ hajja spiritwali u ghall-presbiteru fil-mixja tieghu lejn il-qdusija. Il-caritas pastoralis trid tirrifletti fil-hajja tas-sacerdot dak l-ghatx ta’ Kristu ghas-salvazzjoni tal-bnedmin. Is-sacerdot li huwa marbut intimament ma’ Gesù ghandu jghidlek li fil-qalba ta’ ruhu huwa jisma’ l-karba ta’ Gesù lis-Samaritana u fuq is-salib: "Ghandi l-ghatx! Aghtini nixrob!" (Gw 19, 28; 4, 7). Dan l-ghatx ta’ Gesù huwa l-ghajn tal-vera hegga pastorali li mhijiex daqstant imqanqla mix-xewqa li nghin lill-proxxmu u lill-persuni afdati f’idejja, daqskemm imqanqla mix-xewqa li taqta’ dan l-ghatx ta’ Gesù. Il-caritas pastoralis awtentika hija l-karatteristika ta’ dak is-sacerdot li l-poplu ta’ Alla jaghrfu bhala bniedem ta’ Alla ghax sacerdot qaddis ma’ jahdimx ghal Kristu imma jaghmel l-istess hidma ta’ Kristu, jew ahjar tant huwa mibdul fi Kristu li Kristu jahdem permezz tas-sacerdot. Gesù qalilna li ma jsejhilniex qaddejja imma hbieb (Gw 15, 15). Issa jekk dan jghodd ghan-Nisrani, kemm aktar ghandu jghodd ghas-sacerdot! Il-hbieb jintrabtu b’rabta ta’ mhabba. Huwa minn din il-hbiberija ma’ Kristu li s-sacerdot jitghallem ikun "ir-raghaj it-tajjeb" (ara Gw 10, 11) li jfittex biss il-gid tal-merhla afdata f’idejh. Ghalhekk Gesù iqieghed quddiemna l-kundizzjoni li nkunu bhalu "ta’ qalb helwa u umli" (Mt 11, 29), minghajr l-ebda ambizzjoni jew kilba ghall-fama u l-poter, ghax il-habib ta’ Gesù huwa dak li hajtu tirrifletti lil "Bin il-bniedem li ma giex biex ikun moqdi, imma biex jaqdi u biex jaghti hajtu b’fidwa ghall-kotra" (Mk 10, 45; Mt 20, 28) Il-Papa Gwanni Pawlu II jqieghed din quddiem is-sacerdoti bhala wahda mid-dispozizzjonijiet mehtiega ghall-ghiexien tassew tal-hegga appostolika (ara Pastores dabo vobis, 21-22).

Ghaldaqstant kwalità necessarja fis-sacerdot hija l-umiltà (ara Katekizmu tal-Knisja Kattolika, 876), li mhi xejn hlief li wiehed jaghraf il-verità fuqu nnifsu, jigifieri li huwa jiddependi minn Kristu li qalilna : "minghajri ma tistghu taghmlu xejn" (Gw 15, 5). Proprju minn din l-intimità profonda ma’ Kristu, li s-sacerdot imbaghad jinghata ghal kull xorta ta’ hidma necessarja b’risq il-poplu afdat f’idejh. Hekk li bhalma Kristu tema’ lil min kien bil-guh, fejjaq il-morda, farrag l-imnikktin u l-imgarrbin u wassal il-mahfra u l-imhabba kollha hniena ta’ Alla lil kulhadd, is-sacerdot ukoll jinghata ghal kull hidma mehtiega b’risq il-poplu ta’ Alla. Il-caritas pastoralis mela tqieghed lis-sacerdot fil-qalba u mhux fl-gholi fuq il-Poplu ta’ Alla ghax Kristu ghamilhom ministri tieghu biex iwasslu lill-bnedmin li hu jhobb il-hajja ta’ dejjem. Ghaldaqstant is-sacerdot jghix il-ministeru qrib tal-poplu u jaqsam l-istess xorti mieghu (Presbyterorum ordinis, 3).