ILMA ĦAJ
 Ilma Haj. Meta tiehu minnu ma jergax jaqbdek ghatx ghax huwa ilma li ma jintemmx, ma joqghodx u lanqas jixef. Gesù hekk ipprezenta ruhu lis-Samaritana (Gw1,1-42). Talabha jixrob u spicca biex taha l-ilma tal-Hajja: lilu nnifsu. U llum lilna, Samaritani u midinbin, Gesù qed ikompli jaghtina minn dan l-ilma u qed ikompli jurina l-ghegubijiet tal-fidwa fis-Sagramenti. Tghallimniehom bl-amment meta konna zghar... issa, li ahna kbar hemm bzonn nghixuhom u niggustaw it-toghma taghhom.
 


 
 

ĦARSA TA' IMĦABBA
Il-Kmandamenti, imsejhin ukoll " Dekalogu" - Kelmali litteralment tfisser "ghaxar kelmiet" - inghataw minn Alla lil' Mosè (Ez 20:1-17), u juru l-kundizzjonijiet ta' hajja hielsa mill-jasar tad-dnub, jigbru fil-qosor u jxandru l-ligi ta' Alla, u juru l-Patt ta' hbiberija ta' Alla mal-poplu tieghu.


 
 

EJJA SPIRTU QADDIS
L-Ispirtu s-Santu donnu Persuna tat-Trinità li tezisti izda minsija! Ghandna bzonn nitharrgu u nifhmuli z-zmien li qed nghixu fih illum huwa z-zmien ta' l-Ispirtu s-Santu. Is-sewwa hu li n-Nisrani llum irid ikun sinifikattiv fid-dinja; irid ikun persuna li taghmel sens u bil-hajja tieghu jrid iwassal lill-istess dinja, lill-bnedmin shabu, lil Kristu l-Feddej. Dan ma jaghmlu bl-isforzi tieghu biss, izda ghandu bzonn ta' energija ohra. Il-vitamini jakkwistahom mid-doni u l-frott li ghandu x'joffrilna l-Ispirtu s-Santu li jaghti l-hajja u n-nifs lill-Knisja -lilna lkoll.
 


 
 

SĦAĦ FIL-FIDI
Skont it-taghlim tal-Knisja, il-virtujiet jissejhu "kardinali" u "teologali". Ta' l-ewwel huma l-virtujiet li fihom jistriehu tat-tieni; ghalhekk jissejhu "kardinali". Dawn huma l-ghaqal, il-gustizzja, il-qawwa u l-qjies. Fil-Kotba Mqaddsa dawn insibuhom spiss, anki taht ismijiet ohra, u dan juri li huma s-sisien ta' hajja qaddisa, ghax kif jghid il-Ktieb tal-Gherf: "Jekk xi hadd ihobb is-sewwa, it-tahbit tieghu hu virtu. Ghax hu mghallem tal-ghaqal, tal-gustizzja u tal-qawwa"(Gharf8:7). Il-bniedem, imbaghad, ikollu sehem min-natura ta' Alla permezz tal-virtujiet "teologali". Dawn huma dawk li jsemmi San Pawl il-fidi, it-tama u l-imhabba. Huma virtujiet li jharsu direttament lejn Alla u jhejju lill-bniedem biex jghix f'relazzjoni mat-Trinità Qaddisa.
 


 
 
IL-ĦOBZ TAL-ĦAJJA
Dan il-ktieb huwa strument importanti ghal kull Nisrani biex jifhem ahjar xi jmur jaghmel sewwa kull nhar ta' Hadd fil-knisja. Passa wara pass issibu hawn il-partijiet kollha tal-quddiesa mfissra bis-simboli kollha li nsibu fihom. Il-liturgija ghandha tkun ta' ghajnuna ghalina biex noqorbu aktar lejn Alla u biex nifhmu tassew dak li niccelebraw.


 
 

IL-FIDI TIEGĦEK FEJQITEK
Fir-rakkont ta' l-aghma ta' Geriko (Mk10:46-52) insibu b'mod car kif titlaqa' ma' Gesù u timxi warajh. L-aghma tal-Vangelu jaghaddi minn process li jwasslu ghall-fejqan fiziku u spiritwali. Minn "bilqieghda fil-genb tat-triq" huwa jispicca "miexi warajh fit-triq". Din is-silta hija messagg car ghalina wkoll li rridu nghaddu, permezz ta' dan il-ktieb, minn process ta' fejqan. Gesù l-aqwa tabib taghna, huwa lest jilqaghna fil-klinika tieghu biex minn hemm nohorgu mlibbsin bl-imhabba tieghu u mfejqi bil-hlewwa ta' qalbu.
 


 

ĦAĠA WAĦDA FI KRISTU
"L-ekumenizmu huwa esperjenza djalogika profonda, huwa li tisma' u titkellem ma' l-iehor, li ssir taf ahjar lill-iehor; huwa xoghol li kulhadd jista' jaghmel specjalment permezz ta' l-ekumenizmu spiritwali, imsejjs fuq it-talb u l-qsim ghalissa bejn l-Insara". Dan huwa kliem il-Papa Benedittu XVI fid-diskors ta' l-Angelus tal-21 ta' Jannar 2007 waqt il-gimgha ta' talb ghall-ghaqda ta' l-Insara. Huwa diskors hafna ghal qalb il-Papa li qed jaghmel minn kollox biex id-distanza bejn dawk kollha li jemmnu fi Kristu tonqos. Minn din il-hegga ghad-djalogu u l-ghaqda twieldet l-idea li ssir din il-katekezi utli dwar dan is-suggett.


 
 

L-APPOSTLU TAL-ĠNUS
Fl-esperjenza ta' Damasku "l-Irxoxt kellem lil Pawlu, sejjahlu ghall-apostolat, ghamel minnu appostlu tassew, xhud tal-qawmien, bl-inkarigu specifiku li jxandar il-Vangelu lill-pagani, lid-dinja Griega-Rumana". Dan huwa kliem il-Papa li matul is-sena Pawlina, f'gheluq l-elfejn sena mit-telid ta' dan l-Appostlu kbir, fil-katekezi u fid-diskorsi tieghu dejjem qed jitkellem fuq il-gid kbir li din il-kolonna tal-Knisja halliet. U nistghu nzidu nghidu li fl-inkarigu ta' Pawlu li jxandar il-Vangelu Alla ried li anki l-gzejjer nkunu kburin izda fuq kollox ghandna nhossuna responsabbli bhala Maltin u Ghawdxin li nzommu hajja din il-fidi li ghaddiet lilna bhala don elfejn sena ilu.


 
 

NILTAQGĦU MAL-MULEJ
 Jekk tridu tassew tiehdu sehem ahjar fil-Quddiesa tal-Hadd, fic-celebrazzjoni tal-Ewkaristija, fil-waqt li Gesù jissagrifika lilu nnifsu ghalina, f’dal-hin tal-gimgha li ahna nahtruh ghal min hatar hajtu ghalina; jekk tridu tghixu bis-shih u b’mod personali l-Quddiesa filwaqt li tiehdu sehem f’kull gest, f’kull kelma, f’kull tahrika u ma tafux kif; jekk tridu tghixu din il-laqgha ma’ Alla u ma tkunux prezenti biss bil-gisem filwaqt li r-ruh u l-mohh ikunu band’ohra; jekk tridu dan u aktar, ahna sa nfittxuh flimkien u sa nghinu lil xulxin. Izda biex naghmlu dan mhemm ebda formula magika jew medicina mirakuluza. Hija esperjenza personali u unika bhalma hu kull bniedem. Alla jiltaqa’ personalment ma’ kull wiehed u wahda minna, u din il-laqgha tkun dejjem differenti ghal kull wiehed. Huwa dmir taghna li nsibu din ir-rabta, dan il-waqt sabih li fih il-Mulej jigi quddiemna biex jismaghna u jkellimna.


 
 

SAĊERDOT GĦAL DEJJEM
 Nhar id-19 ta’ Gunju 2009, il-Q.T. l-Papa Benedittu XVI, ghogbu jiddedika is-sena 2009-2010 lis-sacerdot, fl-okkazjoni tal-150 sena mill-mewt ta’ San Gwann Marija Vianney (1786-1859), maghruf bhala l-Kurat ta’ Ars. Il-Papa San Piju X li bbeatifikah ghazlu bhala l-patrun tal-kappillani u l-Papa Benedittu XVI matul din is-sena hatru bhala l-patrun tas-sacerdoti kollha. It-tema maghzula mill-Papa ghal din is-sena hija: "Fedeltà ta’ Kristu, fedeltà tas-sacerdot." Il-Knisja kollha mhegga tirrifletti fuq id-don tas-sacerdot fil-Knisja u r-rwol importanti tieghu fost il-poplu ta’ Alla. Ghaldaqstant f’dan il-ktieb P. Charlò Camilleri, Karmelitan, joffri ftit hsibijiet sbieh u importanti biex jghinuna nifhmu aktar l-identità u r-rwol tas-sacerdot fil-Knisja.

  
 
 

MIXJA LEJN IL-ĦAJJA
Bhal kull sena, qed nippubblikaw il-ktieb li jigbor fih il-katekezi li dehret fuq dan il-fuljett matul is-sena shiha. F’idejna ghandna taghrif interessanti hafna dwar is-Sagrament taz-Zwieg. Dan it-taghrif, minn l-id esperta ta’ P. Gorg Zammit OFMConv., jista’ jghinna biex insiru nafu ahjar dan is-Sagrament, li fuqu bhalissa qed jqumu hafna diskussjonijiet fid-dinja u f’pajjizna.


 

JIENA NEMMEN
 Wara li ghaddew hamsin sena mill-Koncilju Vatikan II, u ghoxrin mit-tnedija tal-Katekizmu tal-Knisja Kattolika, il-Papa Emeritu Benedittu XVI xtaq li s-sena 2012-2013 tkun iddedikata lill-Fidi. Kif qal dan il-Papa innifsu fil-ftuh tas-Sena tal-Fidi, id-dokumenti tal-Konclju Vatikan II u l-Katekizmu tal-Knisja Kattolika huma espressjoni hjja tal-Vanglu u l-fidi fil-Knisja. Ghalhekk huwa importanti li nkunu nafu l-kontenut tal-fidi taghna biex inkunu nistghu nitheggu u niggeddu bla waqfien bhala dixxipli tal-Mulej. Ghaldaqstant f’din is-sena ddedikata ’l-Fidi, il-Publikazzjoni CAK hasbet li toffri sensiela ta’ artikli dwar il-Katekizmu tal-Knisja Kattolika biex kulhadd ikun jaf dak li tghid il-Knisja u kif nistghu nghixu ahjar id-don tal-fidi f’hajjitna. P. Alfred Calleja, Ministru Provincjal tal-Patrijiet Minuri Konventwali, f’dan il-ktejjeb jipprezentalna dan it-taghim, filwaqt li jghinna naghlu r-riflessjonijiet taghna, jaghina daqqa t’id biex napplikawha ghall-hajja ta’ kuljum.

 


 
VENI, SANCTE SPIRITUS
 Nafu kemm nafu qatt mhu bizzejjed! Huwa importanti li bħalma l-bniedem biex jikber għandu bżonn jiġġedded b’mod kontinwu, bl-istess mod fil-ħajja spiritwali u fil-fidi tiegħu l-bniedem ma jrid qatt jegħja jfittex u jiġġedded! Huwa dan li jipprova jagħmel Dun Hector bir-riflessjonijiet tiegħu li bihom jgħinna nsaqqu dik iż-żerriegħa tal-fidi li nżergħet fina fil-Magħmudija. Dakinhar ingħatatilna din il-missjoni li nwasslu ’l-Mulej lill-oħrajn. Issa jekk il-fidi tagħna fih tkun midbiela u jekk ir-relazzjoni tagħna miegħu ma tikbirx kuljum dejjem iżjed biex insiru nafuh, kemm inkunu nistgħu nwassluh lill-oħrajn? Għal dan il-għan Dun Hector ma joffrilniex biss kummentarju fuq is-sekwenza ta’ Pentekoste iżda wkoll wara kull kapitlu joffrilna punti għar-riflessjoni personali tagħna, biex dak li naqraw, wara li nomogħduh sew, inħalluh jagħti frott li jibqa’.
INĦOBBOK GĦAL DEJJEM
 L-awtur ta' dan il-ktieb (Dun Joe Mizzi) joħroġ il-ġmiel taż-żwieġ u l-familja, u jgħinna negħlbu l-biża' u l-qtugħ ta' qalb li jistgħu jiġuna f'moħħna meta nitkellmu dwar dan is-suġġett. Hu joħroġ tajjeb il-ġmiel taż-żwieġ Nisrani, imma wkoll jagħti l-pedamenti għal żwieġ Nisrani b'saħħtu u jissuġerixxi x'mediċina prattika nistgħu nużaw meta ż-żwieġ ma jibqax mibni fuq l-imħabba vera. Dan il-ktieb jgħinna nibnu relazzjonijiet isbaħ u dejjiema.






 

IT-TGĦANNIQA TAL-MISSIER
 Fil-parabbola tal-Iben il-Ħali (Lq 15: 11-32), l-attenzjoni tmur l-aktar fuq il-missier li laqa’ lil ibnu mingħajr ma qagħad jaħsibha. Ħafna drabi ninsew li l-iben mar lura għand missieru diġà bir-rieda għar-rikonċiljazzjoni miegħu: "Missier, dnibt kontra s-sema u kontra tiegħek; ma jistħoqqlix iżjed nissejjaħ ibnek" (v. 21). Mhux biss ammetta dnubietu imma kien ippreparat jagħmel minn kollox biex jerġa’ jitħabbeb ma’ missieru. L-iben ittama fit-tgħanniqa ta’ missieru, iżda ma ħassx li kellu dritt għaliha. Il-ġustizzja titlob li l-iben jieħu dak li ħaqqu, imma l-missier, b’qalb imqanqla bil-ħniena għall-imsejken ibnu, minflok, għamillu festa. Din hija l-istess festa li tistenniena kull darba li nersqu lejn is-sagrament tal-qrar.
   

STAQSINI 20
 Quddiem żviluppi daqshekk mgħaġġla li qed iseħħu f’diversi oqsma xjentifiċi u teknoloġici li l-konverġenzi tagħhom qed iqanqlu mistoqsijiet fundamentali fil-qasam tal-bijoetika, is-socjetà ċivili għandha d-dritt mhux biss li tkun infurmata sewwa b’dak kollu li jista’ jħalli impatt fuq il-ħajja ta’ kull ċittadin, fis-soċjetà in ġenerali u fl-ambjent ta’ madwarna, iżda fuq kollox li jingħatawlha l-ħiliet meħtieġa biex tieħu sehem b’mod attiv fid-dikussjonijiet pubbliċi dwar dan il-fenominu ta’ żminijietna. Dan il-ktieb għandu jservi ta’ għodda tajba ta’ informazzjoni għal kull min jaqrah biex b’hekk tissaħħah il-kultura bijoetika ta’ pajjiżna. Huwa ta’ sodisfazzjoni kbir għalija li Fr Josef ħa din l-inizjattiva biex jippubblika dan l-ktieb b’għoxrin mistoqsija u tweġiba dwar qasam daqshekk kumpless u kontroversjali bħalma hija l-bijoetika.
   

12 AMMEN
Kull meta nieħdu sehem fiċ-ċelebrazzjoni Ewkaristika għal tnax-il darba ngħidu AMMEN! Għalfejn u xi jfissru dawn il-mumenti? Dan tistgħu tiskopruh f’dan il-ktieb tas-soru Laura Cenci u s-saċerdot Walter Lobina, it-tnejn tas-Società San Paolo, li b’mod ċar u preċiż jikkummentaw u jistiednu għar-riflessjoni dwar l-parteċipazzjoni tagħna fil-Quddiesa meta ngħidu AMMEN. Għalkemm dan huwa l-ġabra tal-artikli li dehru f’dan il-fuljett fil-Ħdud ta’ matul is-sena, il-ktieb fih ħafna aktar materjal u approfondiment ta’ dan is-suġġett.
   

MORRU GĦALLMU L-ĠNUS KOLLHA
Il-Knisja hija Appostolika għaliex hija mibnija fuq il-pedamenti tal-Appostli, u dawn intbagħtu biex ixandru l-Bxara t-Tajba lill-bnedmin kollha. Għaldaqstant il-Knisja tħares u twassal, bl-għajnuna tal-Ispirtu s-Santu, li jgħammar fiha, it-tagħlim permezz tal-uffiċċju fdat personalment mill-Mulej lil San Pietru, l-ewwel fost l-Appostli. Is-Suċċessuri ta’ San Pietru huma fid-dmir li jgħallmu. Il-Knisja titkellem bil-fidi u bl-esperjenza twila tagħha. Hi titkellem mad-dinja kollha, għax tfittex u tqassam il-ġid veru li mhuwiex ta’ din id-dinja u tkompli l-missjoni ta’ Kristu u l-kmand tal-Mulej li nwasslu l-Bxara t-Tajba lill-bnedmin kollha.
   
   
- BACK -